నిస్పృహతో నిదురిస్తున్న తన జాతి జనుల చీకట్లను పారద్రోలి,
వారి కళ్ళలో వెలుగురేఖలు పూయించడానికి..
ప్రభవించెను ఒక "ప్రభాకరం"...
తన జాతి జనుల భావవ్యక్తీకరణ పై
జరుగుతున్న చిరకాల దాదులకు చరమగీతం పాడ వికసించెను ఆ "మందారం"...
తన జాతి రక్తపు మరకలతో తడిసిన నేలను చూసి....
పగిలిన, రగిలిన గుండెతో పంజా విసిరెను ఆ "బంధూకం",
నింగికి ఎగిరెను ఆ "సింధూరం"...
అయినా జాఫ్నా నది వీదుల్లో జనం నడియాడినంత కాలం..
వినిపిస్తూనే ఉంటుంది ఆ విజయ నినాదం..
రాలిపోయింది "నువ్వు" మాత్రమే...
చెదరని, సడలని నీ "మనో"ధైర్యం కాదు..
బింగించిన నీ పిడికిళ్ళు కాదు...
తెగించిన నీ ధైర్యం కాదు..
ఉద్యమించిన నీ "ఊపిరి" కాదు...
ప్రవహించిన, ప్రవచించిన నీ "స్వతంత్ర" భాషల భావాలు కాదు...
No comments:
Post a Comment