పుడమి తల్లి నగు మోమున సిందూరం ఆ జెండా..
వీరుని నుదుట రక్త తిలకం ఆ జెండా..
అభాగ్యుల, దౌర్భాగ్యుల,నిర్భాగ్యుల అభయ హస్తం ఆ జెండా....
స్వార్థ పరుల గుండెల్లో సిమ్హ స్వప్నం ఆ జెండా...
జలియన్వాలాబాగ్ మారణ కాందకు మరిగిన భగత్ సింగ్ రక్తపు రంగా జెండా...
క్యూబా స్వేచ్ఛా వాయువుకు శంఖారావం,ఢంకా నాదం చేసిన చే గువేరా చుర కత్తి లాంతి చూపు ఆ జెండా...
నేపాల్ లో రాజ్యాధికారాన్ని రూపు మాపి ప్రజా పాలన అందించిన జెండా....
తెలంగాణ దొరల దురాక్రమణలను ఎదురొడ్డి బాధితుల బానిస సంకెళ్లు తెంచిన జెండా...
మావొ సిద్ధాంతాలను,
లెనిన్ లెఫ్ట్ తత్వాన్ని,
కార్ల్-మార్క్స్ క్రమశిక్షణను,
స్టాలిన్ సమైక్య నినాదానికి సాక్షిగా నిలిచిన జెండా...
25 ఏళ్లుగా పశ్చిమ బెంగాల్ లో రెప రెప లాడుతున్న జెండా...
రష్యా,చైనా,లాటిన్ అమెరికాలలో ఆత్మ విశ్వాసం తో ఎగురుతున్న జెండా...
భగ్గున మండింది ఉగ్రత నిండిన సూర్యుడిలా అగుపించే జెండా...
నమ్మిన సిద్ధాంతాల కోసం అరణ్య వాసం చేస్తూ ప్రాణాలను పణంగా పెట్టి
ప్రజల కోసం సర్వస్వాన్ని పరిత్యజించి
అరణ్య వాసం లో ఆకులూ అలమలూ తింటూ
ప్రజలకోసం పాటు పడుతూ
వీర మరణం పొందే వీరుల
రుధిర జ్వాలల తో నూతనోత్తేజం నింపుకునే జెండా....
No comments:
Post a Comment