నిన్ను ఎక్కడో చూసినట్లు ఉందే!!

ఆ.. నువ్వు "ప్రజాస్వామ్యానివి" కదూ!!

నా దేశ నాయకుల చీకటి పడక గదిలో 

మల్లెలు పరిచిన పందిరి మంచం మీద 

పడున్నది నువ్వే కదా!!!

క్షేమమే నా????

అపుడెపుడో ఈ క్యాపిటలిష్టులంతా కలసి 

ముంబై "Red Light" ఏరియాలో 

ఒళ్లమ్ముకునే పడుపు గత్తెగా మార్చేసారుగా!!!

ఇపుడు కుశలమే నా????

సంస్కరణాల నెపంతో పట్టపగలు నిన్ను నడి రోడ్డుమీదకు లాగి 

వివస్త్రని చేసి వంతుల వారీగా మానభంగం చేసారు కదా!!

ఆ గాయాలు మాసిపోయాయా??

 ఎందుకా కన్నీరు???

ఏమిటి ఆ పిరికితనం??

భయం వలదు!!!

నిగ్రహాన్ని పెంచుకో!!

ఇదిగో నేను రాయబారిగా వచ్చా!!

అడివి నుండి నీ బిడ్డల కబురు మోసుకొచ్చా!!

వారి పోరాట కధలు నీకు చెప్పగా వచ్చా!!

ఆ విప్లవ్య విజయాలు కీర్తించగా వచ్చా!!

నీ దాశ్య  శ్రుంఖాల విచ్చేదన కోసం 

తుదిశ్వాస విడిచే వరకూ పోరాడతాం అని 

నీకు చెప్పమన్నారు "మా అన్నలు" - నీ బిడ్డలు!!

యోధులు నేలకొరిగారని చింతిస్తున్నావేమో!!

నేలకొరిగిన యోధుని రక్తాన్ని 

సింధూరంగా నుదుట దిద్దుకుని 

మరో వీరుడు ఉదయిస్తాడు!!

మార్గాన్ని నిర్దేశిస్తాడు!!

కర్తవ్యాన్ని ప్రబోధిస్తాడు!!

ఉద్యమాన్ని బ్రతికిస్తాడు!!!

ఎర్ర బావుటాని  ఎగరేస్తాడు!! ( Bhagath )