యాడ ఉన్నది
యాడ ఉన్నది ఇప్లవం??

సందులోన,
గొందిలోన,
పిల్లలోన,
జల్లలోన
గుండె గుండెలోన
దాగున్నది ఇప్లవం!!
-----------------------

యాడ ఉన్నది
యాడ ఉన్నది ఉద్దెమం ??

మాల పేట,
మాద్గ పల్లి,
బాపనోరి అగ్రారం,
కోమటిపల్లి,
సాలె పాడు,
సాకలి గూడు,
మసీదు ఈది..

యాడ చూసినా..
ఎటి చూసినా
ఎలుగుతోంది రగులుతోంది ఉద్దెమం!!
-----------------------------

ఎవరు ఎవరు నడుపుతున్నరు ఈ దండు??
కొలిమిలోని నిప్పులాగ
అడవిలోని శక్తి లాగ
మండుతున్న ఎండ లాగ
ఎర్రెర్రగా కదులుతున్న ఈ దండు??

రాములోరి కొయెల పూజారి శాస్త్రిగారి తమ్ముడు "సత్యం"..
కరణం షణ్ముఖ శర్మ గారి కొడుకు "సూర్యం"

సుబ్బారెడ్డి గారి బామ్మర్ది "శివుడు"
శివుడి భార్య "పద్మక్క"!!
నాయిడు మాస్టారి దూరపు బంధువు "అమర్"
అంగడి పుల్లయ్య శెట్టి అల్లుడు "భార్గవ్"
ఇమాం సాబ్ మేనల్లుడు "షరీఫ్"
పాస్టరు డానియెల్ అన్న "ప్రభుపాద్"

చాకలి "ఐలయ్య"
మంగలి "సుబ్బయ్య"
శేషయ్య "నాయక్ "
మన చౌదరి "శీను"
చలం, రుద్రయ్య, భూపతి, సుందరయ్య,

ఇంతేనా...

గడప గడపకీ ఓ "అన్న"
తడిక  తడికకీ ఓ "అన్న"
ఈది ఈదికీ  ఓ "అన్న"
వాడ వాడకి ఓ "పెద్దన్న"

జనం..జనం..
బలం..బలం..

బలం..బలం..
బలగం..బలగం..

చేను చేనులో పూస్తన్నాయ్ ఉద్దేమాల "కుసుమాలు"
పొలం గట్టున గుట్టుగా పెరుగుతున్నాయ్ "ఇప్లవ బల్లాలు"
ఇంటింటా ఎలుగుతున్నాయ్ కమ్మ్యునిష్టు కాగడాల ప్రమిదలు!!
-----------------------------------------------------------

ఎటి సేత్తారంట ఈ "అన్నలు"??
మనకేటి సేత్తారంట ఈ అన్నలు??


మన సీకటి బతుకుల్లో ఎలుగులు తెత్తారంట
ఆకటి కడుపుల్లో అన్నం పెడతారంట
మనకోసం వాళ్ళ పేనాలు ఇత్తరంతా!!

ఇంకా???

మన భూమిని,
 మన ఊరిని,
 మన గూటిని,
మన నీటిని,
మన కూటిని,
మన పంటని,
మన చేలని
మన చమట
నూక్కపోతున్న కొడుకులకి కోసి కారం పెడతారంట!!
తద్దినం పెడతారంట!!

----------------------------------------
మరి మనమేటి సిద్దాం ఇప్పుడు??

అలా అడవికి పోదాం!!
ఆయుధ పూజ చేద్దాం!! ( 16-10-12)